| |
|
|
1981
|
Éischt Participatiounen un
der Kavalkad zu Dikrech an un der Iechternacher
Sprangprëssëssioun sinn ze notéieren.
|
|
1982
|
Den Tony Wantz
demissionéiert a vum 1. Oktober un ass de Ralph Dullnig
neien Dirigent; gläichzäiteg gëtt
decidéiert, datt d'Solfège-Schüler vun elo un
sollen an d'Musekschoul op Dikrech fueren.
|
|
1984
|
Éischt Kontakter mat der
"Blue Lake Band" aus dem Michigan gi geknëppt, zesumme mat
der Fanfare vu Feelen. En éischte Besuch vun de jonken
amerikanesche Musikant(inn)en geet am Summer iwwer d'Bün.
Méi iwer Blue Lake fannt dir hei. |
|
1987
|
Aus der Experienz vum Joer
virdrun, wou et wéinst der Keelt bal onméiglech
war, nach en Toun aus den Instrumenter ze bréngen, huet
d'Ierpeldenger Musek geléiert, an d'Instrumenter fir
d'Kavalkad zu Dikrech doheem gelooss.: "Ierpeldeng bei Rio" ass
den Thema a gespillt gëtt nëmmen op selwer gebastelten
Percussiounsinstrumenter. D'Resultat ass den éischte
Präis fir déi bescht Museksgrupp.
|
|
1988
|
No der Demissioun vum Dirigent
Ralph Dullnig gëtt hien duerch de Jean-Claude Braun
ersat.
|
|
1991
|
De Golfkrich sabotéiert den
traditionellen Ëmzuch op Buergsonndeg. Op ville Plazen gi
Kavalkaden ofgesot, an och déi Ierpeldenger Musek
schléisst sech deem un a beschränkt sech dëst
Joer op d'Buerg an d'Ierzenzopp.
An der Summervakanz demissionéiert de Jean-Claude Braun
als Dirigent. De Marc Schiltz vun Ettelbréck iwerhëlt
den Interim bis den 28.Oktober, wou de Jean-Pol Meis kann
engagéiert ginn.
|
|
1992
|
Fir d'éischte Kéier
kréien déi Ierpeldenger Leit e Galaconcert
offréiert, an zwar als Fréijoersconcert (Mäerz
'92), an och den 1. Chrëschtconcert steet am Dezember um
Programm.
Dat selwecht Joer gi nei Uniformen ugeschaaft.
|
|
1994
|
De 29.11.1994 gëtt
probéiert eng Musekschoul zu Ierpeldeng ze grënnen an
Zesummenaarbecht mat der Union Grand-Duc Adolphe an der
Ierpeldenger Gemeng. Verantwortlecher vun alle betraffene
Parteien, mat un der Spëtzt dem Ierpeldenger
Buergermeeschter Erny Rassel an dem UGDA-President Henri
Schumacher, kommen um Siège vun der UGDA am Gronn
zesummen. Et gëtt séier en Accord fond, an jiddereen
hofft, datt duerch déi Musekschoul kann eppes géint
de Musikantemangel am Veräin ënnerholl ginn.
|
|
1995
|
No enger quasi
Grënnungsversammlung zesumme mam Paul Scholer, Direkter vun
der UGDA-Musekschoul, an allen interesséierte Leit aus der
Gemeng, geroden déi Ierpeldenger Museks-Coursen
ënnert de Beschoss vun de grousse Nopeschgemengen,
déi déi Konkurrenz net gäer gesinn.
Domat war d'UGDA-Musekschoul zu Ierpeldeng gestuerf, an et konnt
sech nëmmen op eng éischter ageschränkten
Zesummenaarbecht mam Ettelbrécker Conservatoire
gëeenegt ginn: en Eveil Musical an e Solfège-Cours
ginn zu Ierpeldeng organiséiert; e Cours d'Adultes
iwerhëlt de Jean-Pol Meis selwer.
|
|
1997
|
De Fréijoers-Concert "A
Captain's Gala" ass e groussen Erfolleg, well d'Formel "Concert +
Show + Büffet" kënnt bei alle Leit gutt un, net
nëmme bei dem gléckleche Gewënner vun enger
Croisière.
|
|
2001
|
D'Concordia feiert de 40.
Anniversaire vun hirer Musek mat engem ambitiéise
Programm, dee sech vum Fréijoersconcert (dem "Captain's
Gala II") bis zum Chrëschtconcert praktesch iwwer e ganzt
Joer erstreckt.
|
